أخيرا اشتريت سيجارة اليكترونية مكونة من بطارية  EGO 1100 mah 

مع اوتوميزر ce4 وآخر  ce5

(البطارية ال 1100 طولها 9.6 سم وتستمر في العمل يومين او يوم ونصف حسب استخدامك)

حتي الان, يوم ونص الان مضي بدون تدخين وشهيتي زي ما هيا يعني مش باكل اكتر لان خوف كل مدخن انه حيتخن لو بطل تدخين و مش حاسس اني عايز اشرب سيجارة عادية.

يجب عليك اختيار النكهة المناسبة لك في السيجارة الاليكترونية وتعرف ان استخدامها مختلف عن السيجارة العادية,

اليكم بعض النصائح من تجربتي:

اولا:
لما تيجي تاخد نفس تاخده براحة وبهدوء كل خمس او عشر ثواني ولا تعاملها معاملة السيجارة العادية, كثرة اخذ الانفاس من السيجارة الاليكترونية في وقت قصير مضر للبطارية والاوتوميزر

ثانيا:
في اول يوم ممكن ما تعرفش تنام لو شربتها بليل لانك حتشرب منها ويادة شوية عشان تجربها وده حيزود نسبة النيكوتين في الدم وممكن ما تعرفش تنام كويس

ثالثا:
لازم ما تشربيهاش الا لما تحس انك محتاج سيجارة عادية وتشربها لوقت معين واول ما تحس انك اكتفيت تقفلها بالضغط خمس مرات على الزرار عشان الشحن ما يخلصش

رابعا:

لا تتوقع ان يخرج منها دخان كثيف مثل ما تراه في بعض الفيديوهات على الانترنت, الدخان او البخار (لان السيجارة الاليكترونية لا تخرج دخان) سيخرج اقل من السيجارة العادية واكثر نقاءا ولون ابيض ضعيف ورائحة جيدة طبقا لرائحة السائل الذي تستخدمه

خامسا:

يجب اشرب ماء وسوائل اكثر من المعتاد 

انا اشتريتها من موقع ب 190 ج والسيجارة كويسة جدا وجي معاها الشاحن والجراب وزجاجة التعبئة بس بدون السائل والسائل موجود علة مقعهم برده بس بتشتريه لوحده وشغالة كويس معايا

نصائح عامة:

- لازم قبل اول استخدام تشحنها لمدة 8 ساعات متصلة حتي لو الشاحن تحول من اللون الاحمر للون الاخضر سيبها تكمل ال 8 ساعات وده اول مرة شحن بس ثم تستخدمها لمدة 20 دقيقة بعد ملئها بالسائل ثم تشحنها لمدة ساعة او ساعة ونصف لحد ما لمبة الشاحن تتحول من اللون الاحمر للون الاخضر بما يعني اكتمال الشحن وتشيلها من الشاحن

- عمرك ما تسيب البطارية تشحن لوحدها ولا تتركها تشحن وتترك المنزل او السيارة او المكتب, لازم تكون متواجد جنبها وقت الشحن ويجب وقف الشحن اول ما يكتمل لان زيادة مدة الشحن بعد اكتمال شحن البطارية خطر وممكن يؤدي لسخونتها وقلة كفائتها او سخونتها وانفجارها لا قدر الله, ما تدفعش 500 و 700 و 400 جنيه فيها لان ال ب 190 اللي اشترتها شغالة كويس.

- عند وضع السائل في الانبوبة (الاوتوميزر) احذر من ان السائل يدخل في الانبوبة اللي في النص واستخدم عبوة التعبئة الخاصة ذان السن الرفيع لانزال السائل على جدار الاوتوميزر ويجن ان تملئ الاوتوميزر بما لا يقل عن 0.8 مللي ولا يزيد عن 1.6 مللي.

وان شاء الله سأحدث هذا الموضوع دائما بكل المعلومات الهامة عن السيجارة الاليكترونية فتابعوا هذة الصفحة باستمرار واتمني ان اكون قدمت معلومات مفيدة لكم.